Երիտասարդների ստեղծարարության զորացումը՝ հանուն համայնքային փոփոխությունների

ԿԱԶԱ հիմնադրամը Ռենովաբիսի աջակցությամբ իրականացնում է երիտասարդների հզորացման այս ծրագիրը: Այն նպատակ ունի հզորացնել երիտասարդներին՝ նպաստելու իրենց համայնքների կայուն և ներառական զարգացմանը՝ խթանելով պատասխանատվության մշակույթը և համայնքային կյանքում ներգրավվածությունը՝ ինտերակտիվ ստեղծարար կրթական գործիքների մշակման և տարածման միջոցով։

Ինչ ենք անում

Մեր ծրագիրը միավորում է հայ երիտասարդներին՝ ներառյալ Արցախից բռնի տեղահանվածներին՝ ստեղծագործ մասնագետների հետ՝ համատեղ մշակելու կրթական գործիքներ, նյութեր, բովանդակություն, որը միաժամանակ նորար, ստեղծրար է և ազդեցիկ։ Մասնակիցները ծրագրի ընթացքում սովորում են արդի տարբեր արտահայտչամիջոցներով աշխատել, և իրենց ձայնը դրանով լսելի դարձնել իրենց առջև կանգնած խնդիրների լուծման համար:

Ծրագիրը հնարավորություն է տալիս վիզուալ արվետսի, մուլտիմեդիա գործիքների, պատմասանության, սոցիալական արվեստի տարբեր ճյուղերի, մշակութային ժառանգության, համայնքային առաջնորդության, պատասխանատու և ակտիվ քաղաքացիության թեմաների շուրջ մտորել և գտել սեփական տեղն ու դերը ժառանգության պահպանման, քաղաքացիական ու բնապահպանական գիտակցության և քաղաքացիական ներգրավվածության հանձնառության և նախաձեռնությունների մեջ:

Ինչու է սա կարևոր

Երիտասարդները փոփոխության հզոր դեռարատարներ են։ Կրթությունը համադրելով արվեստի, սոցիալական ինքնագիտակցության բարձրացման և նորարար գործիքակազմի հետ մենք ուսումնառությունը դարձնում ենք փոփոխությունների ու աճի դաշտ ու հնարավորությունուն՝ օգնելով երիտասարդներին հայտնաբերել իրենց ձայնը և ակտիվ դեր ստանձնել կայուն, ներառական համայնքների կառուցման գործում։

Ինչ է ներառում ծրագիրը

Կայքում ստեղծագործելու մասին

Կայքն ունի նորարար գործիք՝ կոնստրուկտորը, որի միջոցով ոչ միայն հնարավոր է պարզապես վերբեռնել և հրապարակել աշխատանքները, այլ նաև այն թույլ է տալիս կոմիքսներն ու անիմացիոն հոլովակներն ինտերակտիվ դարձնել ընթերցողի կամ դիտողի համար։ Այսինքն, հեղինակը կոնստրուկտորի միջոցով կարող է ստեղծել այնպիսի նյութ, կոմիքս կամ անիմացիոն հոլովակ, որի սյուժեն զարգանում է միաժամանակ մի քանի ուղղություններով՝ ընթերցողին կամ դիտողին հնարավորություն տալով շարունակության համար ընտրել էկրանին հայտնված տարբերակներից որևէ մեկը, որոնք նախապես տեղադրվել են կոնստրուկտորում հեղինակի կողմից։ Որպես ինտերակտիվ անիմացիայի օրինակներ կարող եք դիտել «Մի բակի պատմություն» կամ «Մեդիաթրեշ» հոլովակները, իսկ ընթերցվողներից՝ «Թիմ կանգնի, անօրինություն կկոտրի» կոմիքսը։

Այս հղումով կտեսնեք, թե ինչպես կարող եք կայքում վերբեռնել և հրապարակել ինտերակտիվ կամ ոչ ինտերակտիվ աշխատանքներ:

Ծրագրի մեթոդաբանական մոտեցումները

Մասնակցային և համատեղ ստեղծագործության մոտեցում

Ծրագրի հիմքում դրված է մասնակցային մեթոդաբանությունը․ երիտասարդները ոչ թե պասիվ ստացողներ են, այլ կրթական բովանդակության ակտիվ համահեղինակներ։ Երիտասարդ մասնակիցները, ներառյալ՝ բռնի տեղահանված արցախցի երիտասարդները, աշխատում են կողք կողքի մեծահասակ մասնագետների՝ մանկավարժների, համայնքային ակտիվիստների, նկարիչների, սցենարիստների և ռեժիսորների հետ՝ համատեղ ստեղծելու արվեստի գործեր,  ինտերակտիվ կոմիքսներ, տեսանյութեր և աշխատարաններ։ Սա երաշխավորում է, որ երիտասարդների տեսակետները, փորձառությունները և արժեքները ձևավորեն վերջնական արդյունքները, իսկ փորձագետների մենթորությունը ապահովում է տեխնիկական որակ և խորություն։

Համատեղ ստեղծագործության գործընթացը ձևավորում է պատկանելիության, պատասխանատվության և հպարտության զգացում երիտասարդների մոտ, ինչը ուժեղացնում է նրանց մոտիվացիան՝ գործիքները վերարտադրելու և տարածելու իրենց համայնքներում։

Ծրագրի համար հատուկ մշակված ունակությունների շրջանակ

Ծրագրի համար ստեղծվել է հատուկ ունակությունների շրջանակ, որը պայմանավորում է մասնակիցների ուսուցման բովանդակությունը և ուղին։ Այն կառուցված է հստակ ասպեկտների, կարողությունների և բաղադրիչների շուրջ՝ ապահովելով և՛ տրամաբանական ամբողջականություն, և՛ չափելիություն։ Այս շրջանակը մի գործիք է, որն առանձնահատուկ շեշտադրությամբ քաղաքացիական մասնակցության, ստեղծագործ արտահայտման և մշակութային պահպանման համար առանցքային ունակություններին ու կրթական նպատակներին է ուղղված։

Շրջանակը սահմանում է հիկնգ փոխկապակցված ունակություն․

1. Ունակ է տեսնել և ճանաչել մշակութային բազմազանության, համաշխարհային մշակութային ժառանգության և Համայնքային սոցիալական խնդիրներն ու մարտահրավերները և գտնել դրանց լուծման նորարար, ստեղծարար ու ներգրավող արտիստիկ գործիքներ և մեթոդներ։ 
2. Ունակ է վերլուծել համայնքի կարիքները և նախագծել ու իրականացնել երիտասարդական նախաձեռնություններ, որոնք միտված են համայնքային կայուն զարգացմանը եւ մշակութային ժառանգության պահպանմանն ու խթանմանը։
3. Ունակ է ստեղծել նորարարական արտիստիկ կրթական պրոդուկտներ՝ կիրառելով ժամանակակից թվային գործիքներ և արհեստական բանականության հարթակներ։
4. Ունակ է համագործակցել համայնքի տարբեր շահառուների հետ՝ համատեղ նախագծերի զարգացման, համախմբման և ներառական ազդեցության ապահովման համար։
5. Ունակ է նախագծել և վարել ինտերակտիվ ու ներգրավող կրթական նախաձեռնություններ համայնքային երիտասարդների համար՝ մշակութային ժառանգության, անձնային աճի և էկոլոգիական գիտակցության թեմաներով՝ թե՛ առցանց, թե՛ դեմ առ դեմ ձևաչափով։յան և գործընկերային զորեղացման վրա

Յուրաքանչյուր ունակություն իր հերթին բաժանված է գիտելիք, հմտություն, արժեք/մոտեցում բաղադրիչների, որոնք թույլ են տալիս մասնակիցներին ինքնագնահատել իրենց առաջընթացը, իսկ ուսուցանողներին ու մենթորներին՝ տրամադրել կառուցողական հետադարձ կապ։ Այս շրջանակը ուղղակիորեն կապված է ինքնագնահատման ձևաթղթի և խաղայնացման համակարգի հետ՝ ապահովելով, որ ուսուցման յուրաքանչյուր քայլ ճանաչվի, հետևվի և արժևորվի։

Շրջանակի վրա հիմնվելով՝ ծրագիրը երաշխավորում է, որ երիտասարդ մասնակիցները ոչ միայն ստեղծեն ստեղծագործ արդյունքներ, այլև ձեռք բերեն կառուցվածքային, երկարաժամկետ կարողություններ, որոնք կաջակցեն նրանց անձնական զարգացմանն ու ակտիվ դերին հայկական հասարակության մեջ։ Այս շրջանակի հիման վրա էլ մշակվել է խաղայնացման համակագը և հանձնարարությունները:

Խաղայնացում՝ ներգրավվածության և ուսուցման համար

Ուսուցման գործընթացը ավելի դինամիկ դարձնելու համար ծրագիրը ներառում է խաղայնացման ամբողջական համակարգ, որը բաղկացած է․

• Ուսուցողական առաջադրանքներ և առաքելություններ – փոքր, իրագործելի քայլեր, որոնց արդյունքում մարդը մի բան է սովորում, մի ունակություն զարգացնում:
• Կրթապիտակներ և նվաճումներ – թվային կրթապիտակներ, որոնք շնորհվում են տարբեր առաջադրանքների, արդյունքների, հաջողությունների համար, օրինակ՝ «Ժառանգության պահապան», «Ստեղծագործ պատմաբան», «Համայնքի կապող», «Շրջակա միջավայրի նորարար»։
• Առաջընթացի պատկեր – հմտությունների և առաջադրանքների վիզուալ քարտեզ, որը ցույց է տալիս մասնակիցների առաջընթացը ժամանակի ընթացքում։
• Թիմային մարտահրավերներ – հնարավորություններ երիտասարդների համար՝ միմյանց համար առաջադրանքներ մշակելու, ինչը խթանում է համագործակցությունը և փոխադարձ ճանաչումը։

Խաղայնացումը մեծացնում է մոտիվացիան, ապահովում է շարունակական ներգրավվածություն և մասնակիցներին տալիս է ուսուցման ճանապարհի տեսանելի ճանաչում։

Համադրված ուսումնառություն

Մեթոդաբանությունը համադրում է առերես աշխատարանները (ներդաշնակ, ստեղծագործ, համագործակցային) առցանց հանդիպումների և թվային գործիքների ու հարթակների հետ։ Բովանդակությունը ստեղծվում է հայերենով և տեղայնացվում է՝ դարձնելով այն հարիր, ընկալելի և ներառական։

Մեթոդաբանության արդյունքներ

Այս բազմաշերտ մեթոդաբանության միջոցով ծրագիրը ոչ միայն ստեղծում է ինտերակտիվ կոմիքսներ, տեսանյութեր և ձեռնարկներ, այլև․

• Երիտասարդներին զինում է կայուն կարողություններով՝ քաղաքացիական գործունեության, ստեղծագործության և մշակութային պահպանման համար։
• Ուժեղացնում է ինքնագիտակցությունը և հասակակիցների միջև ուսուցումը։
• Ապահովում է ճանաչում և մոտիվացիա՝ խաղայնացված համակարգերի միջոցով։
• Երաշխավորում է կայունություն՝ գործիքները ներդնելով տեղական ցանցերում և կրթական հարթակներում։

Կարդալ ավելին